خواردنەوەی ماددە کحولییەکان لەسەر بەنداوی سەروچاوە قەدەغەکرا و شارەوانیی ناوچەکەش داوا لە هاوڵاتییان دەکات هەرکەسێکیان بینی ماددە کحولییەکانی خواردەوە، هێزە ئەمنییەکان ئاگاداربکاتەوە.
سەرۆکایەتیی شارەوانیی سەروچاوە بڵاویکردەوە، بەنداوی شارۆچکەکەمان شوێنێکی گشتییە و مافی هەموو هاوڵاتییەکە بۆ کات بەسەربردن و خۆ فێنککردنەوە سەردانی ئەم شوێنە بکات، بۆیە بە هەموو شێوەیەک خواردنەوەی ماددە کحولییەکان لە دەوروبەری بەنداوەکە قەدەغەیە.
شارەوانیی سەروچاوە داواش لە هاوڵاتییان دەکات، هەر کەسێک حاڵەتێکی لەوجۆرەی بەرچاو کەوت، ڕاستەوخۆ لایەنە ئەمنییەکان ئاگاداربکاتەوە.
