بافڵ جەلال تاڵەبانی سەرۆكی یەكێتیی نیشتمانیی كوردستان رایگەیاند، “پێشوازی لە بڕیارەكەی پەرلەمانی ئەڵمانیا دەكەم بۆ بەجینۆسایدناساندنی كۆمەڵكوژیی خوشك و برا ئێزیدییەكانمان”.
راشیگەیاند، “ئەم بڕیارە هەنگاوێكی گرنگە بە ئاڕاستەی یەكخستنی هەوڵە نێودەوڵەتییەكان بۆ قەرەبووكردنەوە و گەڕاندنەوەی ماف بۆ ئێزیدییەكان و هیوادارم ئەم بڕیارە بوێرانەیەی ئەڵمانیا هاندەرێكی گرنگ بێت تاوەكو وڵاتانی دیكەش هەنگاوی لەم شێوەیە بگرنەبەر”.
سەرۆك بافڵ جەختیكردەوە، “یەكێتیی نیشتمانیی كوردستان وەك هەمیشە هاوكار و پشتیوان دەبێت لە پاراستنی ئێزدییەكان و كەلتوورە رەسەنەكەیان، وەكچۆن سەرسەختانە هەوڵ بۆ سۆراغ و گەڕاندنەوەی ئەو ئازیزانەمان دەدات كە تاوەكو ئێستا چارەنووسیان نادیارە”.
