عەلی زەیدی، سەرۆکوەزیرانی عێراق لەبارەی سەردانەکەیەوە بۆ تارانی پایتەختی ئـ.ـێران ڕایگەیاند، لەگەڵ بەرپرسانی باڵای کۆماری ئیسلامیی ئـ.ـێراندا کۆدەبێتەوە بەمەبەستی تاوتوێکردنی دۆسییەکانی پەیوەست بە بەرژەوەندییە هاوبەشەکان، پەیوەندیی دووقۆڵی، دۆخی ناوچەکە و هەوڵەکان بۆ بەرقەرارکردنی ئاشتی و سەقامگیری لە ناوچەکە.
زەیدی لە پۆستێکدا کە لە تۆڕی X بڵاویکردووەتەوە، دەشڵێت، “عێراق و ئـ.ـێران بە پەیوەندیی مێژوویی، هاوبەشیی شارستانی، سنوور و بەرژەوەندیی هاوبەش گرێدراون، هەر بۆیە پێویستە کارکردن بە ڕۆحییەتی دیالۆگ، هەماهەنگی و ڕێزگرتنی هاوبەش بەردەوامبێت بۆ پەرەپێدانی گەشەسەندن و هێنانەکایەی خۆشگوزەرانیی بۆ هاوڵاتییانی هەردوو وڵات.”
هەروەها عەلی زەیدی جەختی لە هەوڵەکان بۆ بەرقەرارکردنی ئاسایش و سەقامگیری لە ناوچەکە و جیهان کردەوە.
