بەڕێوەبەرایەتیی هاتوچۆی سلێمانی لە ئاگادارییەکدا بۆ هاوڵاتییان و شۆفێران ڕایگەیاند، سبەی دووشەممە 29ـی حوزەیران لە کاتژمێر 7:30 خولەکی بەیانییەوە، کاری هێڵکاری لە شەقامی بازنەیی مەلیک مەحمود ئەنجامدەدرێت.
ڕوونیشیکردەوە، سەرەتا لە پردی دەباشانەوە بەرەو ئاڕاستەی مزگەوتی ‘نائیلە خاتوون’ کارەکان دەستپێدەکەن و لە کاتی هێڵکاریکردنیشدا، شەقامەکە بەربەست دەکرێت.
هاتوچۆی سلێمانی دەشڵێت، هێڵکارییەکە هەمان ڕۆژ تەواودەبێت و شەقامەکە دەکرێتەوە. لەو ماوەیەشدا شۆفێران دەتوانن شەقامە خزمەتگوزارییەکانی تەنیشت شەقامە سەرەکییەکە بەکاربهێنن بۆ هاتوچۆکردن.
