کەشناسیی هەرێم رایگەیاند، “ئەمشەو لە سەنتەری پارێزگای سلێمانی بەفردەبارێت و پلەی گەرمی بە نزیکەی 2 بۆ 4 پلە نزمدەبێتەوە”.
بەڕێوەبەرایەتیی گشتیی کەشناسی و بومەلەرزەزانیی هەرێم لە راگەیەندراوێکدا بڵاویکردەوە، “ئەمڕۆ هەینی ئاسمان هەور دەبێت، نمەبارانی پچڕپچڕ لە شوێن و ناوچە جیاجیا دەبێت، بەڵام لە ناوچەكانی پارێزگای سلێمانی و هەڵەبجە و ئیدارەی سۆران و راپەڕین رێژەی دابارین زیاتردەبێت و بارانی مامناوەند دەبارێت، لە ناوچە شاخاوییەكان بە تایبەت ناوچە سنوورییەكان بەفردەبارێت”.
باس لەوەشدەکات، “پێشبینیدەكرێت بۆ كاتەكانی شەو لە سەنتەری پارێزگای سلێمانی و ناوچەكانی دەوروبەری سلێمانی و سەنتەری قەزای سۆران بەفربارین هەبێت، پلەی گەرمی بەراورد بە تۆمارکراوەکانی ئەمرۆ بە نزیكەی 2 بۆ 4 پلە نزمدەبێتەوە”.
کەشناسیی هەرێم دەڵێت، “سبەینێ شەممە ئاسمان بە گشتی هەور دەبێت و لە ناوچەكانی رۆژهەڵاتی هەرێم نمەباران و بارانی مامناوەند بە پچڕپچڕی دەبارێت، لە ناوچە شاخاوییە سنوورییەكان بەفردەبارێت، پلەی گەرمی بەراورد بە تۆمارکراوەکانی ئەمڕۆ بە نزیكەی 1 بۆ 2 پلە نزمتردەبێتەوە.
بەرزترین پلەی گەرمیی پێشبینیکراو بە پلەی سیلیزی :
هەولێر : 8 پلەى سیلیزى
سلێمانی : 6 پلەى سیلیزى
دهۆک : 7 پلەى سیلیزى
کەرکوک :10 پلەى سیلیزى
زاخۆ : 7 پلەى سیلیزى
هەڵەبجە : 6 پلەى سیلیزى
حاجی ئۆمەران : -4 پلەى سیلیزى
سۆران : 2 پلەى سیلیزى
گەرمیان : 12 پلەى سیلیزى
