بافڵ جەلال تاڵەبانی، سەرۆكی یەكێتیی نیشتمانیی كوردستان لە بارەگای فەرماندەیی لە سلێمانی هێزەكانی ئۆپەراسیۆنی دەزگای ئاسایشی هەرێمی بەسەركردەوە و لەلایەن سەرخێڵ كەمال لێپرسراوی هێزەكانی ئۆپەراسیۆن پێشوازیلێكرا.
لەمیانی بەسەركردنەوەكەدا سەرۆك بافڵ جەلال تاڵەبانی لە نزیكەوە بەدواداچوونی بۆ مەشقی چڕ و جێبەجێكردنی ئەركەكانی هێزەكە كرد و ستایشی هەوڵی بەردەوام و جوامێرانەی دەزگای ئاسایش و هێزەكانی ئۆپەراسیۆنی كرد لە پاراستنی سەقامگیریی هەرێم و ژیانی هاوڵاتییان.
لەبارەی ئەرك و هەوڵەكانیان بۆ پاراستنی ئاسایش و سەروەریی یاسا سەرۆك بافڵ رایگەیاند، “رووبەڕووی هەموو پیلان و مەترسییەك بووەستنەوە كە ژیانی خەڵكەكەمان دەخاتە ژێر مەترسییەوە و ئەركی ئێوەیە ئارامی بۆ هاوڵاتییان دەستەبەربكەن و وتیشی، یاساشكێنان رووبەڕووی دادگا بكەنەوە و بەتوندیی دژی هەموو جۆرە تێكدانێك بووەستنەوە، ئێمەش پشتیوانتان دەبین”.
