سەرچاوەیەک لە بەغداد ئاشکرایکرد، فالح ساری، وەزیری دارایی عێراق سوورە لەسەر پابەندبوونی هەرێمی کوردستان ناردنی 120 ملیار دینار داهاتی ناونەوتیی، ئەو کاتەی وەفدی هەرێم پێیان وتوە کە داهاتی نانەوتی کەمیکردووە، وەزیری دارایی عێراق لە وەڵامدا وتوویەتی کە پێشتر ئەنجومەنی وەزیران بڕیاری لەسەر 120 ملیارەکە داوە و دەبێت ئەنجومەنی وەزیران هەمواری ئەو بڕیارە بکاتەوە.
بەگوێرەی ئەو سەرچاوەیە، لە کۆبوونەوەکەدا وەفدی هەرێمی کوردستانیش وتراوە کە بەغداد خۆی دەیەوێت سەرپەرشتیی خاڵە سنوورییەکان بکات و داهاتەکەی بچێتەوە بەغداد، دواتر سەدا 50ـی ئەو داهاتە بدرێتەوە بە هەرێمی کوردستان، بەڵام ڕەتکراوەتەوە.
هاوکات سەرچاوەکە ئەوەشی خستووەتەڕوو، فالح ساری، وەزیری دارایی عێراق بە وەفدی حکومەتی هەرێمی کوردستانی وتووە، پابەند دەبن بە ناردنی مووچەی فەرمانبەرانی هەرێمی کوردستان لەبەرامبەر ناردنی 120 ملیار دینار وەک داهاتی نانەوتی بۆ هەر مانگێک.
