بافڵ جەلاڵ تاڵەبانی لە پەیامێکی هاوخەمیدا بۆ کەسوکاری قوربانییانی خۆپیشاندانەکانی دوێنێی کەرکوک رایگەیاند، تاوانبارانی ئەم رووداوە دەبێت بە سزای یاسایی خۆیان بگەن.
بافڵ جەلال تاڵەبانی سەرۆکیی یەکێتیی نیشتمانیی کوردستان لە پەیامێکدا رایگەیاند، “شەهیدبوون و رژانی خوێنی رۆڵەكانتان لەپێناو بەدەستهێنانی مافەكانیان لەدڵەوە نیگەرانیكردم، دڵمان لەگەڵ ئێوەیە و هاوبەشی ئەم خەمە گەورەیەتانم”.
لە بەشێکی دیکەی پەیامەکەدا جەختیکردەوە، “تاوانبارانی ئەم رووداوە دەبێت بە سزای یاسایی خۆیان بگەن و یەكێتیی نیشتمانیی كوردستان سازش لەسەر ماف و داواكارییەكانتان ناكات”.
لە کۆتایی پەیامەکەیدا بافڵ جەلال تاڵەبانی ئاشکرایکرد، “رۆحی شەهیدان شادبێت و خوای گەورە سەبووری بەهەموولایەك ببەخشێت، هیوای چاكبوونەوە بۆ بریندارەكان دەخوازم و هەموو رێكارێكی پێویست بۆ چارەسەركردنی براكانمان لە كەركوك دەگرینەبەر”.
