وەزارەتی تەندروستی ڕایدەگەیەنێت، 56 كەسی دیكە لە شارەكانی هەرێم توشی كۆرۆنا بوون و چاكبوونەوەش لە نەخۆشییەكە 100 هەزاری تێپەڕاندووە.
وەزارەتی تەندروستیی هەرێم ئەمڕۆ پێنجشەممە 4ی شوبات ئاماری 24 كاتژمێری تایبەت بە كۆرۆنای بڵاوكردەوە و دەڵێت، چوار هەزار و 519 پشكنینی نوێ ئەنجامدراون و لەو ژمارەیە 56 توشبووی نوێ تۆماركراوە.
هەر لەو ماوەیەدا 401 توشبوو چاكبوونەتەوە و سێ توشبووش گیانیان لەدەستداوە كە دوانیان لە دهۆك و یەكێكیش لە سلێمانی بووە.
بەپێی ئامارێكی وەزارەتەكە تائێستا 106 هەزار و 343 توشبوو لە هەرێم تۆماركراون، لەو ژمارەیە 100 هەزار و 447 كەسیان چاكبوونەتەوە و سێ هەزار و 480 توشبووش گیانیان لەدەستداوە.
