کۆمپانیای مێتا کە خاوەنی واتسئەپە، بە ڕەسمی ڕایگەیاند، کۆتایی بە پشتگیریکردنی ئەو مۆبایلانە دەهێنێت کە سیستەمی کارپێکردنی ئەندرۆیدی کۆنیان لەسەرە.
بەگوێرەی مێتا، بەکارهێنەرانی ئەم مۆبایلانەی وەشانی ئەندرۆید 5.0 و ئەندرۆید 5.1ـیان لەسەرە، لە بەرواری 8ـی ئەیلولی 2026ـەوە چیتر ناتوانن ئەپەکە بەکاربهێنن و بچنە ناو ئەکاونتەکانیانەوە، و هیچ نوێکردنەوە و وەشانێکی نوێیان بۆ بەردەست نابێت.
سەبارەت بە بەکارهێنەرانی ئەپڵ، پێویستە سیستمەکانیان وەشانی IOS 15.1 بەرەوسەر بێت بۆ کارپێکردن بە ئەپلیکەیشنەکە.
