وتەبێژی وەزارەتی دەرەوەی ئێران ڕایدەگەیەنێت، ئەمڕۆ درۆنێکیان خستووەتە خوارەوە و بەپێی شێوەی درۆنەکە، دوو وڵات لە ناوچەکەدا بەشداریی جەنگەکە دەکەن.
ئیسماعیل بەقائی، وتەبێژی وەزارەتی دەرەوەی ئێران لە تۆڕی کۆمەڵایەتیی ئێکس وێنەی درۆنێکی تێکشکاوی بڵاوکردووەتەوە و نووسیویەتی، هێزە چەکدارەکانمان ئەم درۆنەیان لە شاری شیراز خستەخوارەوە.
ڕاشیگەیاندووە، ئەمە بەڵگەیەکی یەکلاکەرەوەیە بۆ تێوەگلان و هاوبەشیی هەندێک وڵاتی ناوچەکە لە دەستدرێژی و تاوانە جەنگییەکانی ئەمریکا و ئیسرائیل دژی ئێران.
ئاماژەی بەوەشکردووە، “پێویستە ئەو دوو وڵاتەی خاوەنی ئەم درۆنەن لە ناوچەکە، ڕوونکردنەوە بدەن”.
