بە بڕیاری ڕێبوار تەها، پارێزگاری کەرکوک، بەبۆنەی سەریساڵی بابلی ئاشووری، ڕۆژی چوارشەممە و پێنجشەممە کرایە پشووی ڕەسمی.
ڕێبوار تەها، پارێزگاری کەرکوک، ڕایگەیاند، بڕیاردرا کە سبەی چوارشەممە، بەبۆنەی سەریساڵی بابلی-ئاشووری، بکرێت بە پشوو بۆ پێکهاتەی مەسیحی، کلدان، ئاشووری و سریانی.
وتیشی، هەروەها بڕیاردرا ڕۆژی پێنجشەممە، لە سەرجەم فەرمانگە، خوێندنگە و زانکۆکانی پارێزگاکە بێتە پشووی ڕەسمی، ئەمەش وەک نیشانەیەک بۆ هاوسۆزیی ئیدارەی کەرکوک و دامەزراوەکانی لەگەڵ پێکهاتەی مەسیحیی شارەکە.
