شارەزایەکی کەشناسی، ڕایگەیاند، شەپۆلێکی دیکەی بارانبارین بەڕێوەیە و لافاو دروستدەبێت.
پشتیوان پێنجوێنی، شارەزای کەشناسی، بە تۆڕی میدیایی ئێستای ڕاگەیاند، ئەمڕۆ یەکشەممە نیوەڕۆ بۆ شەو شەپۆلێکی دیکەی بارانبارین ڕوودەکاتە ناوچەکانی هەرێمی کوردستان.
وتیشی، لە زۆرینەی ناوچەکانی هەرێمی کوردستان ئاسمان زیاتر هەوراوی دەبێت، ناوبەناو باران دەبارێت بە گشتی بارانبارینەکە مامناوەند دەبێت.
ئاماژەی بەوەش کرد، لە بەشێکی ناوچەکانی سنووری دهۆک، زاخۆ، باکووری هەولێر و باکووری ئیدارەی ڕاپەڕین هەندێک کات بارانی بەخووڕ دەبارێت لەگەڵ ڕوودانی هەورەگرمە و هەورەبروسکە، مەترسی هەیە لافاوی کاتی دروستببێت، پلەی گەرمی بەراورد بە ڕۆژی ڕابردوو بەڕێژەی 2 پلە بەرزدەبێتەوە.
