ئاسایشی هەولێر دەستگیرکردنی چوار کەسی بەتۆمەتی هەڵکوتانە سەر ماڵان و سووتاندنی ئۆتۆمبێل راگەیاند.
بەڕێوەبەرایەتیی ئاسایشی هەولێر لە راگەیەندراوێکدا بڵاویکردەوە، دوای ئەنجامدانی بەدواداچون لەلایەن هێزەکانمان و بەفەرمانی دادوەری لێکۆڵینەوەی ئاسایشی هەولێر چوار تۆمەتبارمان بەناوەکانی(ش ،م ،ی) و(ع ،س،م) و(ن ، أ ، پ) و(ل ، م ، ک) دەستگیرکرد.
ئاماژە بەوەش دەکات، لە ناویاندا تۆمەتباری سەرەکی (ش ،م ،ی) لەسەر پارەو میرات بۆتە کێشەی کۆمەڵایەتی لەگەڵ ماڵی خاڵەکانی و بەو هۆیەوە سێ تۆمەتبارەکەی دیکەی چەند جارێک هانداوە لە بەرامبەر بڕێک پارە تاکو هەڵبکوتنە سەر ماڵی ئەو خاڵانەیان و بەو نیازەش چەکی بێ مۆڵەتیان بەکارهێناوە و تەقەیان لەماڵی خاڵەکانیان کردووە ، دواینجاریش لەلایەن تۆمەتبار (ع ، س ، م) هەوڵی سوتاندنی ئۆتۆمبیلەکەی خاڵی دابو لە گەڕەکی موفتی شاری هەولێر.
