لە درێژەی بەسەرکردنەوەکانی شاندی وەزارەتی کشتوکاڵی هەرێم بۆ هەندێک لە شارەکانی ئێران، لە سەردانێکدا بۆ پڕۆژەیەکی ئاژەڵداری لە شاری ئەسفەهان، بە زمانی کوردی پێشوازی لە بێگەرد تاڵەبانی کرا.
لە نوسراوی بەخێرهاتنەکەدا هاتووە، “بەخێرهاتنی خانم، بێگەرد شکراللە تاڵەبانی، وەزیری کشتوکاڵی هەرێمی کوردستان دەکەین”.
شاندەکەی وەزارەتی کشتوکاڵی هەرێم لە سەردانەکەیاندا بۆ پڕۆژە ئاژەڵدارییەکە، دەیەوێت ئەزموونی پڕۆژەکە بۆ هەرێمی کوردستان بگوازێتەوە، بەتایبەت لە بەرهەمهێنانی شیردا.
شاندەکەی هەرێم و بەرپرسانی کشتوکاڵی شاری ئەسفەهان بەڵێنیانداوە، هەماهەنگییەکانیان بەردەوامبێت بۆ گۆڕینەوەی ئەزموونی کارکردن لە نێوانیاندا.
