فەرمان محەمەد پزیشکێکی شاری سلێمانییە و خوێندکاری بۆردی عێراقییە، لە تاقیکردنەوەی کۆتایی پسپۆڕی نەشتەرگەری گورچیلە و میزەڕۆ توانی پلەی یەکەم لەسەر ئاستی عێراق بەدەستبهێنێت.
بەڕێوەبەرایەتیی تەندروستیی سلێمانی بڵاویکردەوە، دکتۆر فەرمان محەمەد فەرج کە خوێندکاری بۆردی عێراقی و پزیشکی بەڕێوەبەرایەتیی گشتیی تەندروستیی سلێمانی بوو توانی پلەی یەکەم لەسەر ئاستی عێراق لە تاقیکردنەوەی کۆتایی پسپۆڕی نەشتەرگەری یورۆلۆجی گورچیلە و میزەڕۆ بەدەستبهێنێت.
ئاشکراشیکرد، ئەم سەرکەوتنە سەلمێنەری ئەوەیە کە ئاستی فێرکاری لە سەنتەری سلێمانی لەبواری نەشتەرگەری یورۆلۆجی لە ئاستێکی باڵادایە و ساڵانە پزیشکانی سلێمانی لە ریزی پێشەوەی دەرچووانی ئەو بوارەن لە بۆردەکانی کوردی و عێراقی و عەرەبی و بوونەتە جێی شانازی بۆ شاری سلێمانی بەگشتی و بەڕێوەبەرایەتیی گشتیی تەندروستیی سلێمانی.
