ڕۆژنامەی وۆڵ ستریت جۆرناڵی ئەمریکی ئاماژەی بەوەکردووە، دۆناڵد ترەمپ، سەرۆکی ئەمریکا پێیوابوو ئێران پێش داخستنی گەرووی هورمز خۆی ڕادەستدەکات یان ئەمریکا دەتوانێت دۆخەکە کۆنترۆڵ بکات.
ڕۆژنامەکە ئەوەی خستووەتەڕوو، پێش ئەوەی ئەمریکا بچێتە شەڕەوە، جەنەراڵ دان کەین، سەرۆکی ئەرکانی هاوبەشی سوپای ئەمریکا بە دۆناڵد ترەمپی ڕاگەیاندووە، هێرشەکەی ئەمریکا ئێران هاندەدات گەرووی هورمز دابخات.
وۆڵ ستریت جۆرناڵ لە زاری بەرپرسێکی باڵای سەربازیی ئەمریکییەوە ئاماژەی بەوەداوە، سەرۆکی ئەمریکا چاوەڕوانی ئەوەی نەکردووە ئێران تا ئەم ساتە خۆی بەدەستەوە نەدات، ئەو پێیوابووە پێش ئەوەی تاران بگاتە ئەوەی داخستنی گەرووی هورمز وەک فشار بەکاربهێنێت، خۆی بەدەستەوە داوە.
