ئەمریکا، سعودیە، بەحرەین، ئوردن، کوەیت، قەتەر و ئیمارات، راگەیەندراوێکی هاوبەشیان بڵاوکردەوە و هەڵوێستی خۆیان سەبارەت بە هێرشەکانی ئێران دەربڕی.
لە راگەیەنراوەکەدا، ئەو وڵاتانە ئیدانەی هێرشەکانی ئێرانیان کردووە و جەختیان لەسەر پێویستیی پاراستنی سەقامگیریی ناوچەکە کردووەتەوە.
لەلایەکی دیکەوە، ئەو وڵاتانە داوایان لە هەموو لایەنەکان کردووە، کە دان بەخۆیاندا بگرن بۆ ئەوەی رەوشەکە ئاڵۆزتر نەبێت.
ئەوەشیان خستەڕوو، ئەو کردارانەی ئێران، دەبنە هۆی زیاتر ئاڵۆزبوونی رەوشەکە و کاریگەریی نەرێنی لەسەر ئاسایشی نێودەوڵەتی دەبێت.
