وتەبێژی وەزارەتی بازرگانیی عێراق رایگەیاند، “دۆخی سوریا کاریگەری لەسەر ئابوری و ئاسایشی خۆراکی عێراق نابێت”.
محەمەد حەنون، وتەبێژی وەزارەتی بازرگانیی عێراق رایگەیاند، یەکەم ئەرکی حکومەت دابینکردنی ئاسایشی خۆراکە لەڕێگەی بەبازاڕکردنی گەنمی ناوخۆ و هاوردەکردنی خۆراک لە دەرەوە.
وتیشی، “بازاڕەکانی ناوخۆ، سەرەڕای قەیرانی سوریا، شاهیدی سەقامگیرییەکی گەورەی خۆراکن و زیانیان پێناگات، هاوڵاتی لە هەر خۆراک و کەرەستەیەک کە پێویستی پێی بێت پەکی ناکەوێت”.
جەختی لەوەش کردەوە، “قەیرانی سوریا کاریگەری لەسەر ئابوریی عێراق و ئاسایشی خۆراکیش نابێت، بەهۆی هەبوونی سەرچاوەی هەمەچەشنی هاوردەکردنی کەلوپەل و خۆراکەوە”.
