ئیبراهیم تاتڵیسەس گۆرانیبێژی ناوداری باكووری كوردستان و توركیا تووشی ڕووداوی هاتوچۆ بوو.
كەمێك لەمەوبەر میدیای توركیا بڵاویكردەوە، ئیبراهیم تاتڵیسەسی گۆرانیبێژ لە شاری بۆدروم تووشی ڕووداوی هاتوچۆ بووە.
ڕووداوەكە لە جۆری پێكدادان بووە، ئیبراهیم خۆی شۆفێریكردووە و ئۆتۆمبێلێكی جۆری مینی پاسی لێخوڕیوە، لەگەڵ بارهەڵگرێكدا تووشی پێكدادان بووە و دواتر هەردوو ئۆتۆمبێلەكە كەوتوونەتە خوارەوە.
بەپێی زانیارییەكان، ئیبراهیم تاتڵیسەس لە ناو ئۆتۆمبێلەكەیدا بەگیرهاتووە، پاشان بە برینداری دەرهێنراوە و گەیەندراوەتە نەخۆشخانە.
