بەڕێوەبەرایەتیی هاتوچۆی گەرمیان رایدەگەیەنێت، لەناو شاری کەلار، لە ئەنجامی پێکدادانی دوو ئۆتۆمبێل لە نزیک کتێبخانەی گشتی، سێ کەس برینداربوون و رەوانەی نەخۆشخانە کران.
بەڕێوەبەرایەتیی هاتوچۆی گەرمیان لە راگەیەندراوێکدا بڵاویکردەوە، ئەمشەو شەممە، لە ترافیکلایتی کتێبخانەی گشتی لەناو شاری کەلار، بەهۆی پێکدادانی دوو ئۆتۆمبێلی جۆری نیسان ئاڵتیما و BYD سێ کەس برینداربوون.
ئاماژەی بەوەشکرد، بریندارەکان هەر دوو شۆفێرەکە و سەرنشینێکی ئۆتۆمبێلی جۆری BYDەکە بوون، لەدایکبووی ساڵی 1985 و 2007 و 1985 بوون، بریندارەکان رەوانەی نەخۆشخانەی فریاکەوتنی شەهید هەژار کران و لێکۆڵینەوە لە رووداوەکە دەستیپێکردووە بۆ دڵنیابوون لە هۆکار و چۆنیەتیی رووداوەکە.
