خشتەی مووچەی مانگی تشرینی یەکەمی فەرمانبەران و مووچەخۆرانی هەرێمی کوردستان بڵاوکرایەوە.
وەزارەتی دارایی و ئابوریی حکومەتی هەرێمی کوردستان رایگەیاند، رۆژی دووشەممە، رێکەوتی 29ـی کانوونی یەکەمی 2025، دەست بە دابەشکردنی مووچەی مانگی تشرینی یەکەمی فەرمانبەران و مووچەخۆرانی هەرێمی کوردستان دەکرێت و رۆژی چوارشەممە، 31ـی کانوونی یەکەمی 2025، کۆتایی بە دابەشکردنی مووچە دێت.
ئاماژەی بەوەشکرد، بەهۆی ئەوەی وەرگرتنی پارە بەشێوەی کاش لە لقی هەولێری بانکی ناوەندیی عێراق دەکەوێتە سبەی، لە کاتی دەوامی رەسمی و دواتر گواستنەوەی پارەکە بۆ سەرجەم بانکەکان لە پارێزگا و ئیدارە سەربەخۆکان، داوا لە سەرجەم مووچەخۆران دەکەین، لەدوای کاتژمێر یەکی نیوەڕۆ، سەردانی بانکەکان بکەن بەمەبەستی وەرگرتنی مووچەکانیان بەپێی خشتەی راگەیەندراو.
