بەرەبەیانی ئەمڕۆ، سوپای روسیا هێرشێکی بەرفراوانی سەربازیی بۆ سەر کیێڤی پایتەختی ئۆکرانیا ئەنجامدا و پۆڵنداش ئاسمانیی وڵاتەکەی بۆ هەر هێرشێک ئامادەکردووە.
ئاژانسی رۆیتەرزی بەریتانی بڵاویکردەوە، بەرەبەیانی ئەمڕۆ، بە ئامانجی پەکخستنی ژێرخانی وزە و سوتەمەنی وڵاتەکە، روسیا هێرشێکی بەرفراوانی بۆ سەر کێیڤی پایتەختی ئۆکرانیا ئەنجامدا.
ئەوەشی خستەڕوو، بەهۆی بەرفراوانی هێرشەکانەوە، سوپای پۆڵندا هێزی ئاسمانیی وڵاتەکەی چالاککردووە و ئاسمانی وڵاتەکەی بۆ هەر هێرشێک ئامادەکردووە، هەروەها هەردوو فڕۆکەخانەی لوبلین و رێزسۆوی بەرووی گەشتە ئاسمانییەکادا داخستووە.
