شەپۆلێكی بەفربارین زۆرینەی ناوچەكانی ناوەڕاستی ویلایەتە یەكگرتووەكانی گرتەوە و بووەهۆی دواكەوتن و هەڵوەشاندنەوەی دەیان گەشت لە فڕۆكەخانەكانی ویلایەتی كۆلۆرادۆ.
دیڤد روس، شارەزا لە ناوەندی پێشبینییەكانی كەشناسی رایگەیاند، پێشبینی دەكرێت دۆخی كەشوهەوا كە بەهۆی بەفربارینی زۆرەوە دروستبووە لەمڕۆوە بەشێنەیی روو لە ئاساییبوونەوە بكات، بەڵام زۆر بەهێواشی دەبێت.
بە تەنها لە فڕۆكەخانەی نێودەوڵەتیی دنیفەر 200 حاڵەتی دواكەوتن و 18 حاڵەتی هەڵوەشاندنەوەی گەشت تا پاش نیوەڕۆی سێشەممە تۆماركراوە، وەك ئەوەی سایتی فلایت ئەیر بڵاویكردووەتەوە.
هەر بەهۆی شەپۆلی بەفرەكەوە رێگای خێرایی 70، كە لە دنیفەرەوە بۆ كانساس درێژبووەتەوە، بەیانیی سێشەممە داخرا و دواتر دووبارە كرایەوە.
