وەزارەتی تەندروستیی عێراق ئەمڕۆ شەممە 3ی تشرینی یەكەم ڕایگەیاند، لە 24 كاتژمێری ڕابردوودا سێ هەزار و 672 كەسی دیكە تووشی ڤایرۆسی كۆرۆنای نوێ بوون و 49 كەسی دیكەیش بەهۆی ڤایرۆسەكەوە گیانیان لەدەستداوە.
وەزارەتی تەندروستیی و ژینگەی عێراق لە ڕاگەیەندراوێكدا، دوایین ئاماری سەبارەت بە ژمارەی قوربانییانی ڤایرۆسی كۆرۆنا بڵاوكردەوە و دەڵێت، لە 24 كاتژمێری ڕابردوودا سێ هەزار و 672 كەسی دیكە توشی ڤایرۆسەكە بوون و سێ هەزار و 861 كەسیش چاكبوونەتەوە.
كۆی گشتیی توشبووان بە ڤایرۆسی كۆرۆنا لە عێراق گەیشتووەتە 375 هەزار و 931 كەس و لەو ژمارەیەش نۆ هەزار و 347 كەس گیانیان لەدەستداوە و 303 هەزار و 665ی دیكەیش چاكبوونەتەوە.
