بەڕێوەبەرایەتیی پۆلیسی سلێمانی رایدەگەیەنێت، دوو تۆمەتبار دەستگیرکران کە بەناوی هێزی ئەمنییەوە هەڵیانکوتابووە سەر مارکێتێک
بەڕێوەبەرایەتیی پۆلیسی سلێمانی لە راگەیەندراوێکدا بڵاویکردەوە، دوای ئەوەی مەفرەزەکانی بنکەی پۆلیسی سەیدسادق ئاگادارکرانەوە کە دوو تۆمەتبار بە ناوی هێزی ئەمنییەوە، هەڵیانکوتاوەتە سەر مارکێتێک، بڕیاری دادوەر بۆ رووداوەکە وەرگیرا و دەستبەجێ لێکۆڵینەوە لە رووداوەکە دەستیپێکرد؛ سەرەنجام توانرا دوو تۆمەتبار بە ناوەکانی (س، ع، س – ب، م، أ) دەستگیربکرێن کە سەر بە هیچ دام و دەزگایەکی ئەمنی نین.
ئاماژەی بەوەشکرد، دەرکەوت تۆمەتباران پێشینەی تاوانکارییان هەیە، لەئێستادا بە بڕیاری دادوەر و بەپێی ماددەی (432) لە یاسای سزادانی عێراقی، راگیراون و لێکۆڵینەوە لەگەڵیاندا بەردەوامە.
