بڕیارە سبەینێ سێشەممە جارێکی دیکە ئەنجومەنی سیاسیی نیشتمانیی سوننەکان کۆببێتەوە و کاندیدی پۆستی سەرۆکی ئەنجومەنی نوێنەران یەکلایی بکاتەوە.
میدیا عێراقییەکان لە زاری سەرچاوەیەکەوە بڵاویانکردەوە، شەوی رابردوو ئەنجومەنی سیاسیی نیشتمانیی سوننەکان کۆبووەتەوە و لە رێککەوتنی کاندیدێک بۆ پۆستی سەرۆکی ئەنجومەنی نوێنەران نزیکبوونەتەوە.
ئاماژەی بەوەشکرد، کۆدەنگییەک هەیە لەسەر ئەوەی موسەننا سامەرایی سەرۆکی هاوپەیمانێتی عەزم بۆ پۆستی سەرۆکی ئەنجومەنی نوێنەران کاندید بکرێت، بەڵام بۆ بڕیاردانی کۆتایی سبەینێ سێشەممە جارێکی دیکە ئەنجومەنەکە کۆدەبێتەوە.
