سەرچاوە ئەمنییەکانی عێراق ڕایانگەیاند، شەوی ڕابردوو لەکاتی دەستگیرکردنی تۆمەتبارێکدا لە دیالە، ئەفسەرێک و دوو پۆلیس کوژراون.
بەپێی سەرچاوەکان، هێزە ئەمنییە عێراقییەکان ویستوویانە داواکراوێک لە گوندی زیابە لەناوچەی ئەبی سەیدای پارێزگای دیالە دەستگیربکەن، بەڵام ڕووبەڕووبوونەوە لەنێوان تۆمەتبارەکە و هێزە ئەمنییەکاندا ڕوویداوە.
لەئەنجامدا تۆمەتبارەکە ئەفسەرێک و دوو پۆلیسی عێراقی کوشتووە و خانەوادەیەكیشی بەبارمتە گرتووە، بەڵام دواتر ڕزگارکراون.
ئەو ئەفسەرەی لەڕووبەڕووبوونەوەکەدا کوژراوە، ناوی خاڵس عەنبەکی-یە و پلەی ڕائیدە.
