ئەندامێكی لیژنەی دارایی لە ئەنجومەنی نوێنەرانی عێراق رایدەگەیەنێت، لە كۆبوونەوەی ئەمڕۆی نێوان وەزیری دارایی و ئەندامانی لیژنەی دارایی، تەیف سامی وتی مووچەی 12 مانگم بۆ هەرێم ناردووە.
د. جەمال كۆچەر، ئەندامی لیژنەی دارایی لە ئەنجومەنی نوێنەرانی عێراق راگەیاند، ئەمڕۆ لەسەر پرسە داراییەكان و كێشەی مووچەی مووچەخۆرانی هەرێم لەگەڵ تەیف سامی وەزیری دارایی عێراق كۆبووینەوە و لە كۆبوونەوەكەدا وەزیری دارایی عێراق جەختیكردەوە كە ساڵی رابردوو مووچەی 12 مانگی بۆ هەرێمی كوردستان ناردووە.
د. جەمال كۆچەر ئاماژەی بۆ ئەوەش كرد، تەیف سامی لە كۆبوونەوەكەدا وتوویەتی بەگوێرەی خشتەكان ناتوانم هیچ بڕە پارەیەكی دیكە بۆ مووچەی مووچەخۆرانی هەرێم بنێرم تاوەكو بڕیارێكم بۆ خەرجكردنی مووچە ئاراستە نەكرێت.
