بەڕێوەبەرایەتیی پۆلیسی راپەڕین بڵاویکردەوە، دەست بەسەر چوار کارتۆن ترەقەی جۆری Tpetwr گیرا و دواتر لەناوبران.
بەڕێوەبەرایەتیی پۆلیسی راپەڕین رایگەیاند، دوای ئەوەی هێزەکانی ئاسایشی قەڵادزێ فەرمانی بەڕێز دادوەریان بەدەستهێنا بۆ پشکنینی ماڵی هاوڵاتییەک، توانیان 4 کارتۆن ترەقەی جۆری Tptewr لە ماڵەکەیدا بدۆزنەوە و دەستی بەسەردابگرن، کە هەر کارتۆنێک 48 پارچەی تێدا بووە و بەتاک 115200 ترەقە بووە.
ئەوەشی خستەڕوو، دوای ناردنی پەڕاوی بۆ دادگای لێکۆڵینەوە، دادوەر بڕیاریدا بە غەرامەکردنی تۆمەتبار و لەناوبردنی سەرجەم ترەقە دەستبەسەرداگیراوەکان، ئەمڕۆ سێشەممە لەلایەن لیژنەیەک کە پێکهاتبوو لە نوێنەری دادگا و بنکەی پۆلیسی قەڵادزێ سەرجەمیان لەناوبران.
