کەرکوک.. لە هێرشێکی داعشدا چوار سەربازی سوپای عێراق کوژران

بەرەبەیانی ئەمڕۆ لە سنووری گوندی چیمەن لە پارێزگای کەرکوک لە ئەنجامی هێرشێکی چەکدارانی داعشدا چوار کەس کوژران کە سەربازن لە سوپای عێراق.

عامر نوری وتەبێژی پۆلیسی کەرکوک بە تۆڕی میدیایی ئێستای راگەیاند، “تەرمی چوار سەربازی سوپای عێراق له‌ لیوای 31ی سەر بە فیرقەی هەشت لە نزیک بازگەی چیمەن بە کوژراوی دۆزراونەتەوە”.

وتیشی، “بەپێی زانیارییەکان سەربازەکان لەلایەن چەکدارانی داعشەوە هێرشکراوەتە سەریان و کوژراون”.

هاوکات دوای هێرشەکەی چەکدارانی داعش بۆ سەر ئەو چوار سەربازە فەریق روکن عەلی فرێجی، فەرماندەی بارەگای کەرکوکی فەرماندەیی ئۆپەراسیۆنە هاوبەشەکانی عێراق گەیشتە شوێنەکە و ئۆپەراسیۆنی گەڕان و پشکنین بۆ دۆزینەوەی هێرشکارەکان دەستیپێکرد.

بابەتی پێشتر

"حزبەكەت نایەوێت دۆخی دارایی خەڵك باشبێت"<br> دوو پسپۆر وەڵامی وتەبێژی فراكسیۆنی پارتی دەدەنەوە

بابەتی دواتر

سەرۆکی هەرێم لە سلێمانی بەشداری لە پرسەی قوربانیانی تەقینەوەکەدا دەکات

بابەتی پەیوەندیدار
زیاتر ببینە

دۆلار بەرزبووەوە

جارێكی دیكە بەهای دۆلار بەرزبوونەوەی بەخۆوە بینی و 100 دۆلار بە سەروو 155 هەزار دینار مامەڵەی پێوەدەكرێت. لە…
Total
0
Share