بەڕێوەبەری چاودێری و بازرگانیی سلێمانی لەبارەی بەرزبوونەوەی نرخی خورما لە مانگی رەمەزاندا روونكردنەوە دەدات و دەڵێت، نرخەكانیان بەو شێوەیە بەرزنەبووەتەوە كە باسدەكرێت و چەند جۆرێكی تایبەتی خورما هەن كە نرخەكانیان تا 20 هەزار دینار دەڕوات.
سۆران عەبدولغەفور بەڕێوەبەری چاودێری و بازرگانیی سلێمانی لە لێدوانێكدا بە تۆڕی میدیایی ئێستای راگەیاند، بەردەوام چاودێریی بازاڕ دەكەین و خورما چەند جۆرێكی هەیە نرخەكانیان لە 1500 دینارەوە دەستپێدەكات و چەند جۆرێكی دیكەیان هەیە كە نرخەكەی چوار هەزار دینار و زیاتریشە.
ئاشكراشیكرد، جۆری تایبەتی خورما هەیە كە نرخەكەیان لە 15هەزار تا 20 هەزار دینارە لە بازاڕدا بڕی پێویست خورما هەیە و كاریگەری لەسەر بەرزبوونەوەی نرخەكەی نابێت.
