سەرپەرشتیاری ئیدارەی گەرمیان، رایگەیاند، “زیانلێکەوتووانی لافاوەکە قەرەبوودەکرێنەوە”.
جەلال شێخ نوری، سەرپەرشتیاری ئیدارەی گەرمیان و سەرۆکی لیژنەی باڵای ئیدارەی گەرمیان بۆ بەرەنگاربوونەوەی لافاو و کارەساتە سروشتییەکان، بڵاویکردەوە، بەبۆنەی تێپەڕینی مەترسییەکانی لافاو لە سنوورەکەمان بەبێ زیانی گیانی، بەناوی ئیدارەی گەرمیانەوە سوپاس و پێزانین و دەستخۆشیمان ئاڕاستەی یەکە ئیدارییەکان، بەڕێوەبەرایەتیی گشتیی شارەوانییەکانی گەرمیان، هێزەکانی ئاسایش، پۆلیس، بەرگریی شارستانی، هاتوچۆ، کۆماندۆ، دژەتـ.ـیرۆر، ئاودێریی گەرمیان، تەواوی دامودەزگا خزمەتگوزارییەکان، کۆمپانیاکان، خۆبەخشان، کەناڵەکانی راگەیاندن و تەواوی هاوڵاتییان دەکەین، کە رۆڵی جوامێرانەیان بینی لە رووبەڕووبوونەوەی مەترسییەکانی لافاو و رزگارکردنی 36 هاوڵاتی لە مـ.ـردن، کردنەوەی رێگاکان، پاراستنی ئۆتۆمبیل و ماڵی هاوڵاتیان و تێپەڕینی دۆخەکە بەبێ زیانی گەورە و کارەساتی ناخهەژێن.
دەشڵێت، لە ئەمڕۆوە لەسەرجەم یەکە ئیدارییەکاندا لیژنەی تایبەتمەند پێکدەهێنرێت بۆ تۆمارکردنی زەرەرو زیانەکانی لافاو و ئامادەکردنی ئامارێکی دروست لەوبارەوە بەمەبەستی بەهاناوەچوون و کارکردن بۆ قەرەبووکردنەوەی زیانلێکەوتووان.
