قوباد تاڵەبانی رایگەیاند، ئامادەکاری دەکرێت بۆ هاتنی گروپێکی پزیشکانی سعودیە، کە بەمەبەستی ئەنجامدانی نەشتەرگەریی منداڵان، دێنە سلێمانی.
قوباد تاڵەبانی، جێگری سەرۆکوەزیرانی هەرێمی کوردستان رایگەیاند، لەگەڵ محەمەد سلێمان ئەلعسیری، کۆنسوڵی گشتیی شانشینی سعودیە گفتوگۆمان کرد لەبارەی ئامادەکارییەکان بۆ هاتنی گروپێک لە پزیشکانی پسپۆڕی نەخۆشییەکانی منداڵان بۆ سلێمانی، بەمەبەستی ئەنجامدانی کۆمەڵێک نەشتەرگەری بۆ منداڵان.
ئاماژەی بەوەشکرد، سوپاسی حکومەتی سعودیەم کرد بۆ ئەم هاوکارییەیان و هیوامان خواست، ئاستی هاوکاری و پەیوەندییەکان لە داهاتوودا فراوانتر بکرێت.
