وتەبێژی کۆمسیۆن، رایگەیاند، 101 سکاڵا لە دەنگدانی گشتی و تایبەت تۆمارکراون.
جومانە غەلای، وتەبێژی کۆمسیۆنی باڵای سەربەخۆی هەڵبژاردنەکانی عێراق، بە تۆڕی میدیایی ئێستای راگەیاند، تاوەکو ئێستا 101 سکاڵای پەیوەست بە دەنگدانی گشتی و تایبەت بۆ هەڵبژاردنی ئەنجومەنی نوێنەرانی عێراق تۆمارکراون.
وتیشی، “لەو ژمارەیە 44یان لە دەنگدانی تایبەت تۆمارکراون و 57یان لە دەنگدانی گشتی تۆمارکراون”.
