بەڕێوەبەرایەتیی ئاوی سلێمانی رایدەگەیەنێت، ئەمساڵ بەهۆی مەلەكردن لە دەریاچەی دوكان چەند كارەساتی دڵتەزێنی خنكان روویداوە و بەهۆی گەڕان بەدوای تەرمەكانیان چەندینجار لەماوەی رابردوودا ئاوی بەنداوەكە گیراوەتەوە بەوەش دابەشكردنی ئاو راگیراوە.
بەپێی راگەیەندراوێكی بەڕێوەبەرایەتیی ئاوی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە،
بەداخەوە ئەمساڵ بەهۆی مەلەكردن لە دەریاچەی دوكان چەند كارەساتی دڵتەزێنی خنكانی لێكەوتووەتەوە و بەهۆی گەڕان بەدوای تەرمی خنكاو ناچارچەندینجار لەماوەی رابردوودا ئاوی بەنداوەكە گیراوەتەوە بەوەش دابەشكردنی ئاو ڕاگیراوە و هاوڵاتییانی شاری سلێمانی و دەوروبەری بێئاوبوون.
هەر لە راگەیەندراوەكەدا هاتووە، داوا لە هاوڵاتییان دەكەین لەبەر سەلامەتیی گیانیان خۆیان بەدووربگرن لە دەریاچەكە.
