بەڕێوەبەرایەتیی پۆلیسی هەڵەبجە رایدەگەیەنێت، ئەو دوو ماتۆڕسوارە دەسگیرکران کە بە شێوەیەکی ناشارستانی، ماتۆڕسکیلیان لێدەخوڕی و گرتەکانیان بڵاوبوویەوە.
بەڕێوەبەرایەتیی پۆلیسی هەڵەبجە رایگەیاند، پاش بڵاوبوونەوەی گرتەڤیدیۆی چەند ماتۆڕسکیلێک لەناو تۆڕە کۆمەڵایەتییەکان، کە لە ناو شەقامەکانی ناوشاردا سەرکێشی بەماتۆڕسکیلەکانیانەوە دەکەن و بەشێوەیەکی ناشارستانی لێدەخوڕن، کە دەبنەهۆی مەترسی دروستکردن بۆ شۆفێران و هاوڵاتییانی شەقامەکە، پاش لێکۆڵینەوەیەکی ورد و بەدواداچون لەسەرئەو رووداوە توانرا سێ کەس دەستگیربکرێن.
ئەوەشی خستەڕوو، ئەوانەی دەسگیرکراون بریتین لە، (ه. د. م) تەمەن 18 ساڵ، (ب. ف. ع) تەمەن 18 ساڵ و (ل. ل.ع) تەمەن 17 ساڵ، کو بە ماددەی 21ی هاتوچۆ دەستگیرکراون، هەروەها دەست بەسەر ماتۆڕسکیلەکانیشیاندا گیراوە.
