لە هەرێم وەرگرتنی ڤاکسین بۆ پڕۆسەی حەج دەستیپێکرد

بەڕێوەبەرایەتیی گشتیی تەندروستیی هەولێر رایگەیاند، دەستکرا بە پێدانی ڤاکسین بۆ ئەو هاوڵاتییانەی گەشتی حەج دەکەن.
بەڕێوەبەرایەتییەکە لە راگەیەندراوێکدا دەڵێت، لە بنکە تەندروستییەکانی ( ئازادی، نازدار بامەرنى، برايەتى، مەلا فەندى) و لە سنووری ناو شارۆچکەی كۆيه و ئیدارەی سەربەخۆی سۆران دەستکرا بە پێدانی ڤاکسین بۆ ئەو هاوڵاتییانەی کە سەفەری حەج دەکەن بە ڤاکسینی هەوکردنی مێشک و ئەنفلەوەنزای وەرزی و ڤاکسینی دووانە، کە دەکاتە گوزاز و دەردەکۆپان.
تەندروستیی هەولێر دەڵێت، هاوکات رێنمایی تەندروستیش لەسەر بابەتە خۆپارێزییەکانی تەندروستی دراوە بە حاجییان.