بریکاری وەزارەتی کشتوکاڵی عێراق، رایگەیاند، هاوردەکردنی 40 بەرهەم راگیرا.
مەهدی سەحەر جبوری، بریکاری وەزارەتی کشتوکاڵی عێراق، رایگەیاند، لەپێناو سەلامەتیی هاوڵاتییان وەزارەتی کشتوکاڵ بەهاوکاری لەگەڵ بەرپرسانی ئەمنی هاوردەکردنی گۆشت و سەرجەم بەرهەمە پەلەوەرییەکان لە هەر وڵاتێکەوە قەدەغە دەکات کە ئەنفۆنزایان تیادا تۆمارکرابێت.
وتیشی، “بە ئامانجی گەیشتن بە خۆبژێوی لە عێراق وەزارەت بەردەوامە لە قەدەغەکردنی هاوردەکردنی زیاتر لە (40) بەرهەمی کشتوکاڵی ، لەوانەش تەماتە، پەتاتە و چەند بەرهەمێکی دیکە”.
