كەشوهەوا ئەم دوو رۆژەی كۆتایی هەفتە تا رادەیەك جێگیر دەبێت و كەشناسی وادەی شەپۆلێكی بارانبارین ئاشكرادەكات.
دەستەی كەشناسیی عێراق بڵاویكردەوە، ئەمڕۆ و سبەی ئاسمان لەنێوان نیمچەهەور بۆ هەوری تەواودا دەبێت و پلەی گەرمیش نزیكدەبێتەوە لە تۆماركراوی ئەمڕۆ.
دەشڵێت، رۆژی شەممە ئاسمان هەور دەبێت لە ناوچەكانی هەرێم و باكوور و ناوەڕاست، نیمچە هەوریش دەبێت لە باشوور، لەگەڵ بەرزبوونەوەیەكی كەمی پلەی گەرمی لە سەرتاسەری وڵات.
رۆژی یەكشەممە ئاسمان لە ناوچەكانی هەرێم و ناوەڕاست هەور دەبێت، لەگەڵ ئەگەری بارانبارین لە ناوچەكانی هەرێم و باكوور لە كاتەكانی شەودا، وەك ئەوەی لە پێشبینییەكانی كەشناسیی عێراقدا هاتووە.
باس لەوەشدەكات، كاریگەریی بارانەكە بۆ كاتی بەیانیی رۆژی دووشەممە بەردەوام دەبێت، ئێوارە بۆ پەڵەهەور دەگۆڕێت.
