ئیدارەی زانیاریی وزەی ئەمریکا بڵاویکردەوە، هەناردەی نەوتی عێراق بۆ ئەمریکا لە مانگی حوزەیراندا 7.5 ملیۆن بەرمیل نەوتی تێپەڕاندووە.
بەپێی ئەو خشتەیەی ئیدارەی زانیاریی وزەی ئەمریکا بڵاویکردووەتەوە، “عێراق لە مانگی حوزەیراندا بە تێکڕایی رۆژانە 250 هەزار بەرمیل نەوتی هەناردەی ئەمریکا کردووە و بە کۆی گشتیی 7 ملیۆن و 500 هەزار بەرمیل نەوتی هەناردە کردووە، کە بەراورد بە مانگی ئایار بەرزبوونەوەی بە خۆیەوە بینیوە”.
ئاماژەی بەوەشکرد، “عێراق پلەی چوارەمی لە ریزبەندی ئەو وڵاتانەدا گرتووە کە نەوتیان هەناردەی ئەمریکا کردووە، لە دوای هەریەکە لە کەنەدا و مەکسیک و سعودیە”.
تەنها لە مانگی حوزەیراندا سعودیە 10 ملیۆن و 110 هەزار بەرمیل نەوتی رەوانەی ئەمریکا کردووە.
