وتەبێژی کۆشکی سپی رایدەگەیەنێت، هێشتا ئەگەری کۆبوونەوەی دۆناڵد ترەمپ، سەرۆکی ئەمریکا و ڤلادیمێر پوتن، سەرۆکی روسیا هەیە.
کارۆلین لێڤیت، وتەبێژی کۆشکی سپی رایگەیاند، ئەگەر دەرئەنجامێکی ئەرێنی لە کۆبوونەوەکە هەبێت، ئەوا ئەگەری هەیە ترەمپ و پوتن کۆببنەوە.
وتیشی، بەرنامەیەکی تەواو بۆ کۆبوونەوەی نێوان هەردوو سەرۆک دانەڕێژراوە، بەڵام ترەمپ و ئیدارەکەی هیوادارن ئەم کۆبوونەوەیە بکرێت.
بەرەبەیانی ئەمڕۆ پێنجشەممە، دۆناڵد ترەمپ، سەرۆکی ئەمریکا رایگەیاند، کۆبوونەوەکەی لەگەڵ ڤلادیمێر پوتن، سەرۆکی روسیا لە بوداپێستی پایتەختی هەنگاریا، هەڵوەشاندووەتەوە.
