ئەمریکا باجی بەرێژەی 104% لەسەر کەل و پەلەکانی چیندا زیادکرد و ئەمڕۆ بڕیارەکە جێبەجێدەکرێت.
میدیا جیهانییەکان بڵاویانکردەوە، ئەمریکا رێژەی باجی لەسەر وڵاتی چێن بە رێژەی 104% زیادکرد لە چوارچێوەی پرۆسەی زیادکردنی باج بەسەر وڵاتانی جیهاندا.
ئاماژەیان بەوەشدا، هۆکاری سەرەکی زیادکردنی رێژەی باج لەسەر چین، دەگەرێتەوە بۆ بڕیارێکی چین دەربارەی زیادکردنی باج لەسەر کەلوپەل و کەرەستەکانی ئەمریکادا بەرێژەی 34% هاوکات، دۆناڵد ترەمپ سەرۆکی ئەمریکا رایگەیاندبوو، ئەگەر چین لە بڕیاری زیادکردنی باج پەشیمان نەبێتەوە، ئەوا رێژی باج لەسەریان زیاد دەکەین.
ئەوەشیان خستەڕوو، بڕیارە ئەمڕۆ باج بەرێژەی 104% بەسەر چیندا بخرێتە بواری جێبەجێکردنەوە.
