وه‌زاره‌تی خوێندنی باڵای هەرێم ڕێكارەكانی دەوامی بۆ ساڵی نوێی خوێندن له زانكۆ و په‌یمانگه‌كان ده‌ركرد و دوپاتیشدەكاتەوە كە خوێندنی ئەمساڵ بەشێوازی ئاوێتە دەبێت.
وه‌زاره‌تی خوێندنی باڵا و توێژینه‌وه‌ی زانستی ئەمڕۆ شەممە 3ی تشرینی یەكەم، بە نوسراوی ژمارە (8728) ڕێكارەكانی بڵاوكردەوە و دەڵێت، خوێندنی ئه‌مساڵ له زانكۆ و په‌یمانگه‌كانی هه‌رێم به سیستمی ئاوێته ده‌بێت، به‌شێك له وانه‌كان له‌ناو كه‌مپه‌س ده‌خوێندرێن و به‌شێكی دیكه‌ش به شێوازی ئۆنلاین ده‌بێت.
بەپێی ڕێنماییەكان له‌كاتی خوێندنی ئه‌و وانانه‌ی له‌ناو كه‌مپه‌س ده‌خوێندرێن، پێویستە مامۆستا و خوێندكاران پابه‌ندی ڕێكاره ته‌ندروستی و خۆپارێزییه‌كان بن.
