ئاگر لە نەخۆشخانەیەكی تایبەت لە سلێمانی كەوتەوە و وتەبێژی بەرگریی شارستانی دەڵێت، ئاگرەكە لە مۆلیدەی نەخۆشخانەكەوە دروست بووە و هیچ كەسیش نەبووەتە قوربانی.
ئێوارەی ئەمڕۆ شەممە 3ی تشرینی یەكەم، ئاگر لە نەخۆشخانەی ڕۆیاڵی تایبەت كەوتەوە و پاش گەیشتنی تیمەكانی بەرگریی شارستانیی سلێمانی كۆنتڕۆڵكرا.
ڕێكان جەمال، وتەبێژی بەرگریی شارستانیی سلێمانی بە تۆڕی میدیایی ئێستای ڕاگەیاند، ئاگرەكە لە مۆلیدەی نەخۆشخانەكە لە نهۆمی سەرەوە كەوتووەتەوە و تیمەكانیان كۆنتڕۆڵیان كردووە.
وتیشی، “ڕوداوەكە هیچ زیانێكی گیانی لێنەكەوتووەتەوە”.
نەخۆشخانەی ڕۆیاڵی تایبەت دەكەوێتە سەر شەقامی توی مەلیك.
