کونسوڵی گشتی فەرەنسا لە هەرێمی کوردستان پشتیوانی وڵاتەکەی و وڵاتانی ئەوروپای بۆ مەشقپێکردنی پێشمەرگە دووپاتکردە و دەڵێت، پێشمەرگە هاوبەشی ئەوانن
ئۆلیڤیێ دێکۆتینی، کونسوڵی گشتیی فەرەنسا لە هەولێر، لە تویتێکدا بە زمانی کوردی لە تۆڕی کۆمەڵایەتی تویتەر ڕایگەیاندووە، ” پێشمەرگە هاوبەشی ئێمەن لە جەنگی دژی داعشدا، سەنتەری قەیرانەکان و پشتیوانی وەزارەت بۆ ئەوروپا و کاروباری دەرەوە پالپشتی مەشقەکانی پێشمەرگە دەکەن بۆ هەڵگرتنەوەی مین”.
پێشمەرگە هاوبەشی ئێمەن لە جەنگی دژی داعشدا. سەنتەری قەیرانەکان و پشتیوانی وەزارەت بۆ ئەوروپا و کاروباری دەرەوە پالپشتی مەشقەکانی پێشمەرگە دەکەن بۆ هەڵگرتنەوەی مین pic.twitter.com/jjFrUJwzks
— CG Olivier Decottignies (@O_Decottignies) January 28, 2021
هاوپەیمانی نێودەوڵەتی دژی داعش هاوکارییەکانی بۆ هێزی پێشمەرگەی کوردستان بەردەوامی پێدەدات و ڕاستەوخۆش داوای لە حکومەتی هەرێم کردووە چاکسازی لە وەزارەتەکەدا بکەن.
حکومەتی هەرێم لە ڕێگەی پێنج لیژنەی سەرەکییەوە سەرپەرشتی جێبەجێکردنی چاکسازییەکان دەکات کەلەلایەن پەرلەمانی کوردستانەوە پەسەندکراون.
چەند ڕۆژێک پێش ئێستا شۆرش ئیسماعیل، وەزیری پێشمەرگەی هەرێم ئاشکرایکردبوو ”قەبارەی هاوكارییەكانی هاوپەیمانان بۆ هێزی پێشمەرگە، كەوتۆتە سەر ئاستی بەرفراوانی پرۆسەی چاكسازی لەسەرجەم سێكتەرەكاندا”.
