بەڕێوەبەرایەتیی گشتیی بەنداوەکانی هەرێمی کوردستان نوێترین ئاماری ڕێژەی زیادبوونی ئاوی بەنداوەکانی لە 24 کاتژمێری ڕابردوو بڵاوکردەوە.
بەڕێوەبەرایەتیی گشتیی بەنداوەکانی هەرێمی کوردستان ئاماری 24 کاتژمێری ڕابردووی بەنداوەکانی هەرێمی کوردستانی ڕاگەیاند و تیایدا هاتووە، هەردوو بەنداوی دوکان و دەربەندیخان 242 ملیۆن مەترسێجا ئاویان تێهاتووە، بەشێوەیەک بەنداوی دوکان 83 سانتیمەتر و بەنداوی دەربەندیخان 30 سانتیمەتر لە ئاستی ئاوەکەیان زیادیکردووە، هەروەها بەنداوە بچووک و ناوەندەکانیش سەرجەمیان سەرڕێژبوون.
ئاماژەی بەوەشکرد، ئەمڕۆ ڕێژەی بەردانەوەی ئاو لە بەنداوی دەربەندیخان زیاتر دەکرێت، هەروەها بەهۆی زیادبوونی ئاوی ڕووباری سیروان، پێویستە هاوڵاتییان لە کەناراوەکانی خوارووی بەنداوەکان دووربکەونەوە.
