بەڕێوەبەرایەتیی هاتوچۆی گەرمیان رایگەیاند، لە رووداوێکی هاتوچۆدا لە شەقامی شەست مەتریی قەزای کەلار، کەسێک برینداربوو.
بەڕێوەبەرایەتیی هاتوچۆی گەرمیان لە راگەیەندراوێکدا بڵاویکردەوە، نیوەڕۆی ئەمڕۆ یەکشەممە، دوو ئۆتۆمبێل لە جۆرەکانی (مان-بارهەڵگر و کیا-دووتەنی) لە شەقامی شەست مەتریی قەزای کەلار پێکیاندادا، بەهۆیەوە کەسێک برینداربوو و رەوانەی نەخۆشخانە کرا.
ئاماژەی بەوەشکرد، بریندارەکە لێخوڕی ئۆتۆمبێلی جۆری کیا دووتەنییەکەیە، لەلایەن تیمی هاتوچۆوە لێکۆڵینەوە دەستیپێکردووە بەمەبەستی زانینی هۆکار و چۆنیەتیی رووداوەکە.
