جێگری پێشووی سەرۆكی پارتی سۆسیال دیموكراتی كوردستان رایدەگەیەنێت، لە گوڵەخانە هێزێكی پارتی سۆسیال دیموكرات هێرشیان كردووەتە سەر ماڵەكەی و كوڕەكەی بریندارە.
عەبدوڵا حاجی مەحمود، جێگری پێشووی سەرۆكی پارتی سۆسیال دیموكراتی كوردستان لە لێدوانێكدا بە تۆڕی میدیایی ئێستای راگەیاند، ئێوارەی ئەمڕۆ هێزێك هێرشیكردووەتە سەر ماڵەكەم لە گوڵەخانە و گوللەیەك بەر سەری كوڕەكەم كەوتووە بریندارە و هیچ زانیارییەكمان لەسەر دۆخی تەندروستی نییە.
وتیشی، ” بە چەكی قورس هێرشكراوەتە سەر ماڵەكەم لە گوڵەخانە و تا ئێستا هۆكاری هێرشەكەی ئێوارەی ئەمڕۆ نازانین هەرچەندە ئەمڕۆ پارتی سۆسیال دیموكرات كۆنگرەی بەست، بەڵام ئێمە بەشدارنەبووین”.
