لە ساڵنامەی کۆچیدا ئەمڕۆ 12 ی رەبیعولئەوەلە و یادی لەدایکبوونی پێغەمبەری ئیسلام محەمەدە (د.خ) و لە زۆرینەی وڵاتانی جیهان و بە عێراق و هەرێمی کوردستانیشەوە ئەم بۆنەیە بەرز رادەگیرێت.
ئەمڕۆ پێنجشەممە یادی لەدایکبوونی پێغەمبەری ئیسلامە(د.خ)، بەو بۆنەیەوە ماوەی زیاتر لە دوو هەفتەیە وەزارەتی ئەوقاف و کاروباری ئاینی ئامادەکاریی تەواویان دەستپێکردووە.
پەیامنێری تۆڕی میدیایی ئێستا لە سلێمانی گواستییەوە، “وەک نەریتێکی ساڵانە، ئەمڕۆ لەناو بازاڕ و شوێنە گشتییەکان شیرینی و خواردەمەنی بێبەرامبەر دەبەخشرێنەوە، لە بەشێک لە مزگەوتەکان بە نۆرە رۆژانە مەولود دەخوێننەوە”.
